රෂිකා හෙන්නායක අගෝස්තු 30 , කොළඹ (LNW):
ජනාධිපති රනිල් වික්‍රමසිංහ විසින් සෞඛ්‍ය ඇමැති රමේෂ් පතිරණට ඊයේ (29 වැනිදා ) උපදෙස් ලබා දී ඇත්තේ, ජාතික ඖෂධ නියාමන අධිකාරියේ ලියාපදිංචි නොකළ ඖෂධ ඉන්දියාවෙන් ආනයනය කිරීමට සෞඛ්‍ය අමාත්‍යංශය ගෙන ඇති තීරණය අත්හිටුවන ලෙසයි.
පාර්ලිමේන්තු මන්ත්‍රි රාජිත සේනාරත්න විසින් මේ පිළිබඳ ජනාධිපතිවරයා දැනුවත් කර ඇත්තේ, ජනාධිපතිවරයාගේ ප්‍රතිපත්ති ප්‍රකාශනය එළිදැක්වීමෙන් පසු පැවැති මන්ත්‍රි කණ්ඩායම් රැස්වීමේදී බව පැවසේ.
ඖෂධ ආනයනය කිරීම සඳහා ජාතික ඖෂධ නියාමන අධිකාරියේ ලියාපදිංචි සැපයුම්කරුවන් සිටියදී ඉන්දියාවේ සමාගමකින් ඖෂධ ආනයනය කිරීම තුළින් මෙරට සැපයුම්කරුවන් අධෛර්යමත් වන බව මන්ත්‍රිවරයා පෙන්වා දී ඇති අතර, මේ පිළිබඳ ජනාධිපතිවරයා සෞඛ්‍ය ඇමැති රමේෂ් පතිරණගෙන් කරුණු විමසා එම තීරණය අත්හිටුවන ලෙස දැනුම් දී ඇත.
ඊට සෞඛ්‍ය ඇමතිවරයාද එකඟත්වය පල කළ බව පැවසේ, ඉන්දියාවෙන් ඖෂධ ආනයනය කිරීමේ තීරණයට එරෙහිව සෞඛ්‍ය වෘත්තිය සමිති ඖෂධ ආනයනකරුවන්ගේ වාණිජ මණ්ඩලය, දේශීය ඖෂධ නිෂ්පාදකයන් මෙන්ම ශ්‍රී ලංකාවේ පෙරටුගාමී පක්ෂය ද විරෝධය පළ කරමින් මාධ්‍ය හමු පසුගියදා පවත්වනු දක්නට ලැබිණ.
