රෂිකා හෙන්නායක සැප්තැම්බර් 07, කොළඹ (LNW):
ජනාධිපති රනිල් වික්රමසිංහ මහතා ඉලංගෙයි තමිල් අරුසුකච්චි පක්ෂයේ නායක මාවෙයි සේනාධිරාජා මහතා අද පස්වරුවේ හමුව ඇති බව වාර්තා වේ. ඒ යාපනය තෙලිප්පලෙයි පිහිටි සේනාධිරාජා මහතාගේ නිවසේදීයි.
මෙම හමුව සිදුවුණේ, ජනාධිපති රනිල් වික්රමසිංහ මහතා යාපනයේ ජනාධිපතිවරණ ජන රැළි දෙකක් ඇමතීම සදහා පැමිණි අතරවාරයේදීයි. තම නිවසට පැමිණි ජනාධිපතිවරයා හින්දු ආගමික සාම්ප්රදානුකූලව මාවෙයි සේනාධිරාජා මහතා විසින් පිළිගනු ලැබූ බව පැවසේ.
මාවෙයි සේනාධිරාජා මහතා කළ පෞද්ගලික ආරාධනයකට අනුවයි මෙම හමුවීම සිදුව ඇති අතර, ජනාධිපතිවරණයේ ඉදිරි කටයුතු සම්බන්ධයෙන් එහිදී දෙදෙනා සාකච්ඡා කර තිබෙන බව සඳහන් වේ.
