සටහන – රුවන් නෙළුගොල්ල
වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තිය සමිගි සන්ධානයේ සභාපති විශේෂඥ වෛද්‍ය චමල් සංජීව මහතා සමගි ජන බලවේගයේ රත්මලාන සංවිධායක ධුරයට පත්කර තිබේ.
සජබ නායක සජිත් ප්‍රේමදාස මහතා විසින් ඊයේ (06) එම පත්කිරීම සිදුකර ඇත.
හිටපු සෞඛ්‍ය අමාත්‍ය කෙහෙළිය රඹුක්වැල්ලගේ බාල ඖෂධ වංචාව ඇතුළු සෞඛ්‍ය සේවයේ බරපතළ වංචා දූෂණ ගණනාවක්ම දිගින් දිගටම අනාවරණය කිරීමට වෛද්‍ය චමල් සංජීව මහතා කටයුතු කර තිබිණි.
වෛද්‍ය චමල් සංජීව මහතා රෝහල් පරිපාලනය, රාජ්‍ය පරිපාලනය සහ ව්‍යාපාර කළමනාකරණය පිළිබඳව විද්‍යාපති උපාධි සම්පූර්ණ කර ඇති බව සඳහන්.
එමෙන්ම ඔහු රෝහල් පරිපාලනය පිළිබඳව විශේෂඥ වෛද්‍ය උපාධියද ශ්‍රී ලංකාවේදී සම්පූර්ණ කර ඇත.
වෛද්‍ය චමල් සංජීව මහතා සෞඛ්‍ය ආර්ථික විද්‍යාව පිළිබඳව හා ව්‍යාපාර කළමනාකරණය පිළිබඳව ආචාර්ය උපාධිය හිමි අයකු ද වන බවයි වාර්තා වූයේ.
