රෂිකා හෙන්නායක ඔක්තෝබර් 11, කොළඹ (LNW):
උතුවන්කන්ද වලකඩයාව ප්‍රදේශයේ නුවර – කොළඹ මාර්ගයේදී බස් රථ දෙකක් ගැටී සිදු වූ අනතුරින් පුද්ගලයින් 18 දෙනෙකු තුවාල ලබා ඇත.
අදාළ අනතුරින් තුවාල ලැබූ පුද්ගලයින් කෑගල්ල සහ මාවනැල්ල රෝහල් වෙත ඇතුළත් කර ඇති බව සඳහන්වේ.
කෑගල්ලේ සිට මාවනැල්ල බලා ධාවනය වෙමින් තිබූ බස් රථයක එම දිශාවට පානදුර සිට පැමිණි බස් රථයක් ගැටීමෙන් අදාළ අනතුර සිදුව ඇති බවට තොරතුරු වාර්තා වේ.
අදාළ අනතුරට හේතුව පානදුර සිට පැමිණි බස් රථයේ සිදු වූ කාර්මික දෝෂයක් බව සඳහන් වන අතර, සිද්ධිය සම්බන්ධයෙන් වැඩිදුර විමර්ශන කෑගල්ල පොලිසි විසින් ක්‍රියාත්මක බව පැවසේ.
