සටහන – රුවන් නෙළුගොල්ල
තමන්ට නියම වී ඇති මාස 06ක සිරදඬුවම් නියෝගය නිෂ්ප්‍රභ කරන ලෙස ඉල්ලා මෙන්ඩිස් සමාගමේ අධ්‍යක්ෂ අර්ජුන් ඇලෝෂියස් සහ ඇන්තනි රන්දෙව් දිනේන්ද්‍ර ජෝන් යන වගඋත්තරකරුවන් දෙදෙනා විසින් කොළඹ මහාධිකරණයට යොමු කිරීම සඳහා භාරදුන් අභියාචනය කොළඹ මහෙස්ත්‍රාත් අධිකරණය විසින් ප්‍රතික්ෂේප කර තිබේ.
මෙම අභියාචනා අයදුම් පත ඔවුන්ට සිර දඬුවම් නියම කරමින් නඩු තීන්දුව ලබාදුන් කොළඹ අතිරේක මහෙස්ත්‍රාත් බණ්ඩාර ඉලංගසිංහ මහතා ඉදිරියේ කැඳවීමෙන් අනතුරුව මෙම නියෝගය නිකුත් කර ඇත.
ගෙවීමට නියමිත බදු මුදල් කොටස් වශයෙන් ගෙවීමට අවසර දෙන ලෙසත් මෙම වග උත්තරකරුවන් විසින් එම අභියාචනය තුළින් ඉල්ලා තිබුණු බව සඳහන්.
රජයට අයවිය යුතු රුපියල් කෝටි 355ක VAT බදු මුදලක් ගෙවීම පැහැර හැරීම සම්බන්ධයෙන් අද (14) පෙරවරුවේ අර්ජුන් ඇලෝෂියස් ඇතුළු දෙදෙනාට මෙසේ මාස 06ක සිරදඬුවමක් නියම කර තිබිණි.
සබැඳි පුවත් –
