රෂිකා හෙන්නායක නොවැම්බර් 10, කොළඹ (LNW):
දත්ත විශ්ලේෂණය කරමින් ගණනය කිරීම් තවදුරටත් සිදු කිරීම හේතුවෙන්, විදුලි ගාස්තු අඩු කිරීමට අදාළ නව යෝජනාවලිය ලබාදීමට මහජන උපයෝගීතා කොමිසමෙන් තවත් සති දෙකක කාලයක් ඉල්ලා ඇති බව ලංකා විදුලිබල මණ්ඩලය පවසයි .
ලංකා විදුලිබල මණ්ඩලයට මහජන උපයෝගීතා කොමිසම විසින් දැනුම්දී තිබුණේ නව යෝජනාවලිය පසුගිය 08 වෙනිදාට පෙර ලබාදෙන ලෙසයි. ලංකා විදුලිබල මණ්ඩලය විසින් මීට පෙර ඉදිරිපත් කළ යෝජනාවලියේ ගාස්තු සංශෝධන මිල සූත්රය යටතේ අනුකූලතාව පිළිබඳව ගැටළු මතුවීම හේතුවෙන් නැවත එම යෝජනාවලිය ඉල්ලා ඇති බව සඳහන් වේ.
