රෂිකා හෙන්නායක දෙසැම්බර් 02, කොළඹ (LNW):
ඒකාබද්ධ පාසල් සංවර්ධන නිලධාරී එකමුතුවේ සාමාජිකයින්, අධ්‍යාපන අමාත්‍යාංශයේ ඉදිරිපිට විරෝධතාවයේ නිරත වී ඇති අතර,ඔවුන් විසුරුවා හැරීම සඳහා පොලීසිය මේ වනවිට කටයුතු කර ඇත, එහිදී උණුසුම් තත්ත්වයක් හටගෙන ඇත.
එහිදී, උද්ඝෝෂකයින් තිදෙනෙක් අත්අඩංගුවට ගෙන ඇති අතර, එම උණුසුම් තත්ත්වය අතරතුර පොලිස් නිලධාරීන් කිහිපදෙනෙකු තුවාල ලබා තිබේ.
අද දහවල්, ඒකාබද්ධ පාසල් සංවර්ධන නිලධාරී එකමුතුව පැලවත්ත අධ්‍යාපන අමාත්‍යාංශය ඉදිරිපිට විරෝධතාවක් සංවිධාන කර තිබුණු අතර,ඒ පාසල් සංවර්ධන නිලධාරීන් වහා ගුරුසේවයට බඳවා ගන්නා ලෙස රජයට බලකරමින් බව පැවසේ.
බත්තරමුල්ලේ සිට අධ්‍යාපන අමාත්‍යාංශය වෙත පාගමනින් පැමිණි විරෝධතාකරුවන් අධ්‍යාපන අමාත්‍යාංශය ඉදිරිපිට විරෝධතාවයේ නිරත වූ බව වැඩිදුරටත් වාර්තා වේ.
