රෂිකා හෙන්නායක දෙසැම්බර් 24, කොළඹ (LNW):
අද (24) දහවල් තායිලන්තයේ බැංකොක් නුවර සිට කටුනායක ගුවන් තොටුපොළ වෙත පැමිණි ගුවන් මගියකු රුපියල් හාර කෝටි තිස් අට ලක්ෂ අසූ දහසක් පමණ වටිනා “කුෂ්” මත්ද්රව්ය තොගයක් සමඟ ගුවන්තොටුපොළ රේගු නිලධාරීන් විසින් අත්අඩංගුවට ගෙන තිබේ. මොහු කොළඹ ප්රදේශයේ පදිංචි 30 හැවිරිදි ත්රිරෝද රථ රියැදුරුයෙක් බව සඳහන් ය.
ඔහු රැගෙන විත් තිබූ ගමන් මල්ල තුළ “කුෂ්” මත්ද්රව්ය කිලෝ 04 යි ග්රෑම් 388ක් පාර්සල් 05 ක් ලෙස සකස් කර සඟවා ගෙන පැමිණ සිටියදී ගුවන්තොටුපොළ රේගු නිලධාරීන් විසින් අත්අඩංගුවට ගෙන ඇති බව වාර්තා වන අතර, අදාළ පුද්ගලයා සහ ඔහු විසින් රැගෙන විත් තිබූ “කුෂ්” මත්ද්රව්ය වැඩිදුර විමර්ශන සඳහා කටුනායක ගුවන්තොටුපොළ පොලිස් මත්ද්රව්ය කාර්යාංශයේ නිලධාරීන් වෙත භාර දීමට පියවර ගෙන ඇති බව වාර්තා වේ.
