සටහන – රුවන් නෙළුගොල්ල
ඊයේ (දෙසැම්බර් 30) දිනයේදී බිංගිරිය ප්රදේශයේ ඇඟළුම් කම්හල් පරිශ්රයකදී ජාතික ජන බලවේගයේ පාර්ලිමේන්තු මන්ත්රීවරුන් දෙදෙනෙකුට විරෝධය පෑමේ සිද්ධියට අදාළව අත් අඩංගුවට ගත් සැකකරුවන් දෙදෙනා රක්ෂිත බන්ධනාගාරගත කර තිබේ.
ඒ, අද දිනයේදී ඔවුන් හෙට්ටිපොල මහේස්ත්රාත් අධිකරණයට ඉදිරිපත් කිරීමෙන් අනතුරුව ය.
සැකකරුවන් දෙදෙනා ජනවාරි 07 වනදා දක්වා රක්ෂිත බන්ධනාගාරගත කිරීමට නියෝග කළ හෙට්ටිපොල වැඩබලන මහේස්ත්රාත් ඒ. සී. ඒ. සලාම් මහතා ජනවාරි 07 වනදා ඔවුන්ව හඳුනාගැනීමේ පෙරෙට්ටුවකට ඉදිරිපත් කිරීමට ද නියෝග කර ඇත.
ජාතික ජන බලවේගයේ පාර්ලිමේන්තු මන්ත්රී විජේසිරි බස්නායක මහතා කුලියාපිටිය කොට්ඨාස අපරාධ විමර්ශන කාර්යාංශයට කළ පැමිණිල්ලකට අනුව සැකකරුවන් අත්අඩංගුවට ගෙන තිබුණි.
