ඇමරිකාවේ ශ්‍රී ලංකා තානාපති මහින්ද සමරසිංහ මහතා තවදුරටත් එම තනතුරේ තබාගැනීමට රජය තීරණය කර ඇති බව වාර්තා වේ.
ඒ, ජාත්‍යන්තර මූල්‍ය අරමුදල (IMF) සමග පැවැත්වෙන සාකච්ඡා හේතුවෙන් බව සඳහන්.
පසුගිය ආණ්ඩුව විසින් සිදුකළ දේශපාලන පත්වීම් වශයෙන් තානාපති සේවයට යැවූ 16 දෙනෙකු යළි කැඳවීමට රජය පියවර ගෙන තිබිණි. එහෙත් මහින්ද සමරසිංහ මහතාගේ සේවය දිගටම ලබාගැනීමටයි රජය තීරණය කර ඇත්තේ.
විවිධ ආණ්ඩු කිහිපයකම අමාත්‍ය තනතුරු දරා ඇති මහින්ද සමරසිංහ මහතා 2020 මහමැතිවරණයේදී ශ්‍රී ලංකා පොදුජන පෙරමුණ නියෝජනය කරමින් කළුතර දිස්ත්‍රික්කයෙන් පාර්ලිමේන්තුවට තේරී පත්වූ අතර 2021 වසරේදී පාර්ලිමේන්තු මන්ත්‍රී ධුරයෙන් ඉල්ලා අස්වී ඇමරිකාවේ ශ්‍රී ලංකා තානාපති තනතුරට පත්වූයේය. හිටපු ජනාධිපති ගෝඨාභය රාජපක්ෂ මහතා විසින් එම පත්වීම ලබාදුන් අතර පසුව ජනාධිපති ධුරයට පත්වූ රනිල් වික්‍රමසිංහ මහතා යටතේත් ඇමරිකාවේ තානාපති ධුරයෙහි කටයුතු කළේ මහින්ද සමරසිංහ මහතාම ය.
