සටහන – ඇඩොල්ෆ්
කොළඹ (LNW): ශ්‍රී ලංකාව චීන ජනරජයේ තෙල් දැවැන්තයා වන Sinopec සමඟ ඩොලර් බිලියන 3.7 ක සුවිශේෂී ගිවිසුමක් අත්සන් කර තිබේ. මෙම ගනුදෙනුව හරහා රට මෙතෙක් සිදු කළ විශාලතම විදේශ ආයෝජනය සුරක්ෂිත කර ගත් අතර, බලධාරීන් ඉකුත් බ්‍රහස්පතින්දා Sinopec සමඟ එම ගිවිසුම තහවුරු කරගත් බව ද හිටපු බලශක්ති අමාත්‍යාංශයේ නිලධාරියෙක් LNW වෙත මේ අදහස් දක්වමින් ප්‍රකාශ කළේය.
හිටපු ජනාධිපති රනිල් වික්‍රමසිංහ මහතා ශ්‍රී ලංකාවේ තෙල් පිරිපහදු ව්‍යාපෘතියට අදාළ ගැටළු විසඳීමට සහ ගනුදෙනුව අවසන් කිරීමට කටයුතු කිරීම සඳහා 2023 දී සිය නිල සංචාරය අතරතුර බීජිං හි Sinopec සමූහයේ සභාපති Ma Yongsheng සහ ඉහළ විධායක නිලධාරීන් සමඟ සාකච්ඡා පැවැත්වීය.
මෙම ව්‍යාපෘතිය දැනට ක්‍රියාත්මක වෙමින් පවතින අතර අක්කර 600ක භූමි ප්‍රමාණයක් දැනටමත් පාංශු පරීක්‍ෂණ සහ අනෙකුත් මූලික කටයුතු සඳහා චීන සමාගමට වෙන් කර ඇත.
කෙසේ වෙතත්, ජනාධිපතිවරණය හේතුවෙන් ගිවිසුම්ගත වැඩකටයුතු අවසන් කිරීමට නොහැකි වූ බව එම නිලධාරියා වැඩිදුරටත් සඳහන් කළේය. ව්‍යාපෘතිය නිම කිරීම ශ්‍රී ලංකාවේ බලශක්ති ක්ෂේත්‍රයට තීරණාත්මක පියවරක් බව අවධාරණය කළේය.
තෙල් පිරිපහදු ව්‍යාපෘතියට Sinopec සමාගමෙන් ඩොලර් බිලියන 3.7ක ඍජු විදේශ ආයෝජනයක්!
Date:
