රෂිකා හෙන්නායක පෙබරවාරි 08, කොළඹ (LNW):
පෙබරවාරි මාසය අවසන් වීමට පෙර ජල ගාස්තු අඩු කරන බව, නාගරික සංවර්ධන හා ඉදිකිරීම් අමාත්‍යාංශය පවසන අතර, අඩුවෙන් ජලය පරිභෝජනය කරන පුද්ගලයින්ට වැඩියෙන් වාසි සැලසෙන ලෙසට, ජල ගාස්තු අඩුකරන ලෙස උපදෙස් දී ඇති බව , අමාත්‍ය අනුර කරුණාතිලක මහතා සඳහන් කළේය.
විදුලි බිල 20% කින් අඩු කිරීමත් සමඟ ජල ගාස්තු අඩු කිරීම පිළිබඳ යෝජනා කිහිපයක් ඉදිරිපත්ව ඇතැයි, අමාත්‍ය අනුර කරුණාතිලක මහතා ප්‍රකාශ කළේ ය.
ඒ අනුව ජල සම්පාදන මණ්ඩලයේ කමිටුවක් හරහා එම සියලු යෝජනා සමාලෝචනය කර වාර්තාවක් ලබාදෙන ලෙස අමාත්‍යවරයා උපදෙස් දී ඇති අතර, ජල ගාස්තු තීරණය කිරීමේදී විදුලි බිල දායක වන්නේ, සියයට 40 කින් පමණක් බවද අමාත්‍යවරයා සඳහන් කළේය. නව මිල ගණන් ප්‍රකාශයට පත් කිරීමට නියමිත ඊට සමානුපාතිකව බවද පැවසේ.
