මීගමුව ප්‍රදේශයේදී අද (පෙබරවාරි 21) දහවල් සිදුකිරීමට ගිය තවත් වෙඩිතැබීමක් අවසන් මොහොතේ ව්‍යර්ථ වී තිබේ.
මීගමුව, කාමච්චෝඩේ පොල භූමියේ පිහිටි වෙළඳසැලක හිමිකරුවකු වන චමින්ද හෙවත් මිරිස් ඇන්තනීගේ පුත්‍රයා ඉලක්ක කර වෙඩිතැබීම සඳහා වෙඩික්කරුවන් පැමිණ ඇති බව සඳහන්.
යතුරුපැදියකින් පැමිණි දෙදෙනෙකු මෙසේ වෙඩිතැබීමට උත්සාහ කළත් ගිනිඅවිය ක්‍රියාත්මක නොවීම නිසා ඔවුන් පළාගොස් ඇත.
කමාන්ඩෝ සාලින්ද නමැති සංවිධානාත්මක අපරාධකරුවකු මෙම වෙළඳසැලෙන් කප්පම් ඉල්ලා ඇති අතර එය නොගෙවීම හේතුවෙන් මෙසේ වෙඩිතැබීමට උත්සාහ දරා ඇති බවත් ආරංචිමාර්ග පැවසීය.
