කෘෂි කාර්මික භෝගවලට හානිකරන සතුන් පිළිබඳ ජාතික සංගණනය අද (මාර්තු 15) දිනයේදී දීප ව්‍යාප්තව පැවැත්වීමට නියමිත ය.
ඒ අනුව, අද පෙරවරු 08.00 – 08.05 අතර කාලය තුල වනාන්තර බිම් හැර සියලු ගෘහ ඒකක, වගාබිම්, සිද්ධස්ථාන, පාසල්, රජයේ හා රජයේ නොවන ආයතන ආශ්‍රිතව සැරිසරන වදුරන්, රිළවුන්, දඬුලේනුන් සහ මොනරුන් සංඛ්‍යාව හඳුනාගැනීම මෙහිදී සිදුකිරීමට නියමිත බවයි කෘෂිකර්ම, පශූ සම්පත් ඉඩම් හා වාරි මාර්ග අමාත්‍යංශය පවසන්නේ.
එම සතුන් ගණනය කර සටහන් කිරීම සඳහා නිවෙස්වලට ලබාදී ඇති පත්‍රිකාව පුරවා තම ප්‍රදේශයේ ග්‍රාම නිලධාරීවරයාට, ආර්ථික සංවර්ධන නිලධාරීවරයාට, සමෘද්ධි සංවර්ධන නිලධාරීවරයාට හෝ කෘෂිකර්ම පර්යේෂණ නිෂ්පාදන සහකාරවරයාට බාර දෙන ලෙසත් අමාත්‍යාංශය ඉල්ලා සිටී.
