කොළඹ LNW:2024 වර්ෂයේ සිව්වන කාර්තුවේ දළ දේශීය නිෂ්පාදිතයේ වර්ධනය 5.4% ක වර්ධනයක් ලෙස වාර්තා වී ඇති බව ජනලේඛන සහ සංඛ්‍යා ලේඛණ දෙපාර්තමේන්තුව පවසයි.
එය 2023 වසරට සාපේක්ෂව 2024 දී දළ දේශීය නිෂ්පාදිතයේ වර්ධන වේගය 5%ක, ධන වර්ධනයක් බවයි දැක්වෙන්නේ.
2023 වර්ෂයේ තෙවන කාර්තුවේ ස්ථාවර මිල ගණන් යටතේ රුපියල් මිලියන 11,877,556 ක් ලෙස වාර්තා වූ දළ දේශීය නිෂ්පාදිතය 2024 වර්ෂයේ තෙවන කාර්තුවේ දී රුපියල් මිලියන 12,472,469 ක් දක්වා ඉහළ ගොස් තිබේ.
මේ අතර ආර්ථිකයේ ප්‍රධාන සංරචක වන කෘෂිකාර්මික ආර්ථික කටයුතු, කර්මාන්ත ආර්ථික කටයුතු හා සේවා ආර්ථික කටයුතු පිළිවෙලින් 1.2% ක්,11.0% ක් සහ 2.4 %ක් ලෙස ධන වර්ධනයන් වාර්තා කර ඇත.
