කොළඹ LNW:පාර්ලිමේන්තු කාරක සභා විසින් දෙනු ලැබූ මෙතෙක් ක්‍රියාත්මක නොකළ නිර්දේශ ක්‍රියාත්මක කිරීම සඳහා අදාළ රාජ්‍ය ආයතන වෙත මාසයක කාලයක් ලබාදීමට එම නිර්දේශ සමාලෝචනය කිරීම සඳහා වූ කාරක සභාව තීරණය කර තිබේ.
ඒ අනුව පොදු ව්‍යාපාර පිළිබඳ කාරක සභාව, රජයේ ගිණුම් පිළිබඳ කාරක සභාව, රජයේ මුදල් පිළිබඳ කාරක සභාව යන කාරක සභා වලින් ලබා දුන් නිර්දේශ ක්‍රියාත්මක කිරීමට එම කාලය ලබා දී ඇත.
අදාළ නිර්දේශ සමාලෝචනය කිරීම සඳහා වූ කාරක සභාව අමාත්‍ය නීතිඥ හර්ෂණ නානායක්කාර මහතාගේ ප්‍රධානත්වයෙන් පාර්ලිමේන්තුවේදී රැස්වූ අවස්ථාවේදී උක්ත තීරණය ගෙන ඇති බව සඳහන්.
ක්‍රියාත්මක නොවුණු නිර්දේශ ක්‍රියාත්මක කිරීම සඳහා අදාළ අමාත්‍යාංශ ලේකම්වරුන්ට ලිපි යොමු කිරීමටත් මසක් තුළ එම නිර්දේශ ක්‍රියාත්මක කිරීමට නොහැකි නම් ඊට හේතු ලිඛිතව කාරක සභාව වෙත ලබාගැනීමටත් තීරණය කර තිබේ.
ආශිකා බ්‍රාහ්මණ
