ජනාධිපති ගෝඨාභය රාජපක්ෂ මහතා විසින් මහින්ද රාජපක්ෂ මහතාව අග්‍රාමාත්‍ය තනතුරින් ඉවත් කිරීමට නියමිත බවට පැතිර යන පුවත් අසත්‍ය බව කැබිනට් ප්‍රකාශක නාලක ගොඩහේවා මහතා පවසයි.
පසුගියදා පැවති කැබිනට් රැස්වීමේදී සිදුවුණේ නව ආණ්ඩුවකට ඉඩදීම සඳහා සමස්ත කැබිනට් මණ්ඩලයම ඉවත් වීමට එකඟ වීමත් එසේ ඉවත් වීමේ පහසුම ක්‍රමය වන්නේ අග්‍රාමාත්‍යවරයා ඉල්ලා අස්වීම යැයි එකඟවීමත් පමණක් බවයි ඒ මහතා සඳහන් කරන්නේ.
ඒ අනුව එහි අවසන් තීරණය අග්‍රාමාත්‍ය මහින්ද රාජපක්ෂ මහතා විසින්ම හෙට (09) දිනයේදී හෝ නුදුරු දිනයකදී ප්‍රකාශයට පත්කෙරෙනු ඇති බවත් මෙය කිසිසේත්ම ජනාධිපතිවරයා සහ අග්‍රාමාත්‍යවරයා අතර ගැටුමක් නොවන බවත් ගොඩහේවා මහතා පැවසීය.
RN
