සටහන: සශිකලා මධුෂාණි
ජුනි 12; ලෝකය(අවුට්බවුන්ඩ් ටුඩේ): ගෝලීය ඇඟලුම් නිෂ්පාදනයෙන් සියයට 50 කට වඩා වැඩි ප්‍රමාණයක් සඳහා නිවහන වන ආසියාවේ කාබන් විමෝචනය අඩු නොකර දේශගුණික හරිතකරණයට සහය නොදක්වන බවට සුප්‍රකට විලාසිතා සන්නාම වලට චෝදනා එල්ල වී තිබේ.
ඒ අනුව, විලාසිතා කර්මාන්තය 2050 වන විට ගෝලීය හරිතාගාර වායු විමෝචනයෙන් සියයට 25 කට වඩා වැඩි ප්‍රමාණයකට වගකිව යුතු බව කියවේ.
The Missing Thread” යන මාතෘකාව යටතේ ව්‍යාපාර සහ මානව හිමිකම් සම්පත් මධ්‍යස්ථානය (BHRRC) විසින් අද(12) උදෑසන නිකුත් කරන ලද වාර්තාවකට අනුව ගෝලීය විලාසිතා සන්නාමවන නයික් සහ HNM , Zara, Gucci ඇතුළු සන්නාම 65 මේ වෙනුවෙන් වගකිව යුතු බවට කියවේ.
ඔවුන්ගෙන් 44 ක් කාබන් විමෝචනය අඩු කිරීම සඳහා ප්‍රසිද්ධ කැපවීම් කර තිබුණද, කිසිවෙකු 2022 දී ඊජිප්තුවේ COP27 අතරතුර මුලින්ම හඳුන්වා දුන් ක්‍රමවේද අනුගමනය කර නොමැත.
