ඉහළ යන උද්ධමනය පාලනය කිරීම සඳහා ඉන්ධන මගින් අය කරන බදු අනුපාතය පහත හෙළීමට ඉන්දීය රජය තීරණය කර තිබෙනවා. ඒ අනුව පෙට්‍රල් ලීටරයක මිල ඉන්දීය රුපියල් 9.50 කින් සහ ඩීසල් ලීටරයක මිල රුපියල් 07 කින් පහත වැටී තිබේ.
ඉන්දීය මුදල් අමාත්‍ය නිර්මලා සීතාරාමන් මහත්මිය පවසන්නේ ඉන්ධන මිල පහත හෙළීම හරහා ඉන්දීය රජයට රුපියල් ට්‍රිලියනයක පාඩුවක් සිදුවන බවයි.
මේ අතර ගෑස් පාරිභෝගිකයන්ටද සහන ලබා දී තිබේ. ඒ අනුව වසරක් තුළදී රුපියල් 200 බැගින් වූ සහනයක් මත ගෑස් සිලින්ඩර් 12 ක් මිලදී ගැනීමේ හැකියාව ඉන්දියානුවන්ට හිමි වේ.
මෙම සහනාධාරය හේතුවෙන් ඉන්දීය රජයට අහිමි වන මුදල ඉන්දීය රුපියල් බිලියන 61 කි.
UN