රෂිකා හෙන්නායක ජූලි 11, කොළඹ LNW :
යෝෂිත රාජපක්ෂ සහ ඩේසි ෆොරොස්ට් යන අයට එරෙහිව නීතිපතිවරයා විසින් ගොනුකර තිබෙන නඩුව මේ මස 28 වනදා යළි කැඳවන ලෙස කොළඹ මහාධිකරණය අද නියම කළ අතර, ඒ මුදල් විශුද්ධිකරණය වැළැක්වීමේ පනත යටතේයි.
එලෙස නඩුව යළි ලබන 28 වනදා කැඳවන ලෙසයි අධිකරණය විසින් නියම කර ඇත්තේ, මෙම නඩුව විභාග කරන විනිසුරුවරයා මේ වන විට නිවාඩු ලබා සිටින බැවිනි.
රුපියල් මිලියන 73කට ආසන්න වත්කම් හා දේපළ අයථා ලෙස අත්පත් කර ගැනීම තුළින් මුදල් විශුද්ධිකරණය වැළැක්වීමේ පනත යටතේ වරදක් සිදු කළේ යැයි චෝදනා කොට නීතිපතිවරයා විසින් යෝෂිත රාජපක්ෂ සහ ඔහුගේ මිත්තණිය වන ඩේසි ෆොරස්ට් යන අයට එරෙහිව එම නඩුව ගොනු කර ඇත.
