Trooping the Colour යනු බ්රිතාන්ය හමුදාව 17 වන සියවසේ පමණ සිට අනුගමනය කරනු ලබන සම්ප්රදායක් බව කියවේ.
එක්සත් රාජධානියේ විශාලතම රාජකීය සැමරුම වන එලිසබෙත් රැජිණ ගේ ප්ලැටිනම් ජුබිලිය හෙවත් රාජාභිෂේකය ලැබීමේ සංවත්සරයේ 70 වන මංගල්යය සැමරීම සඳහා යූනියන් ජැක් ධජයන්ගෙන් සැරසුනු ජනතාව අද (02) දින වීදි බැස සිටි අයුරු දක්නට ලැබිණි. මෙම සැමරුම පැවැත්වෙන්නේ Trooping the Colour නම් බ්රිතාන්ය හමුදාවේ පාගමන සමඟ වීම ද විශේෂත්වයක්.
Trooping the Colour යනු බ්රිතාන්ය හමුදාව 17 වන සියවසේ පමණ සිට අනුගමනය කරනු ලබන සම්ප්රදායක් බව කියවේ.
ප්ලැටිනම් ජුබිලියට සමඟාමීව එලිසබෙත් රැජිණ නිවේදනයක් නිකුත් කරමින් ප්රකාශ කරන්නේ, තම රට ජාතියේ හොඳ හිත පිළිබඳව තමා සතුටට පත්වන බවයි. මෙම අවස්ථාවට සමඟාමීව මහජනතාව විසින් සංවිධානය කළ වර්ණවත් උත්සව වලට තම ස්තූතිය පළ කරන මහ රැජිණ කියා සිටියේ එය පැරණි මතක යළි ආවර්ජනය කරන බවයි.
ප්ලැටිනම් ජුබිලිය සඳහා දින හතරක (බැංකු නිවාඩු ද සහිත) සති අන්තයේ මිලියන ගණනින් බ්රිතාන්ය ජනතාව වීදි බැස සාද පවත්වන අන්දමට දැකගත හැකි අතර, රාජකීය නිල වැඩසටහන් ද සූදානම් කර ඇත. ලන්ඩන් වීදි පුරා ජුබිලි සන්දර්ශන ද ඇතුළත් ය.
මේ අතර, ප්ලැටිනම් ජුබිලියට සමඟාමීව එලිසබෙත් මහ රැජිණගේ අලුත් ඡායාරූපයක් ද වින්ඩ්සොර් මාලිගයේ ප්රදර්ශනය කර ඇත.
Photos: BBC
