සටහන: සශිකලා මධුෂාණි
අගෝස්තු 10; ලෝකය(අවුට්බවුන්ඩ් ටුඩේ): ඉරාකයේ නජාෆ් සහ කර්බාලා යන ෂියා ශුද්ධ නගර දෙක අතර මාර්ගයේ ජල පිරිපහදු මධ්‍යස්ථානයක රාත්‍රියේ සිදුව ඇති ක්ලෝරීන් ගෑස් කාන්දුවක් හේතුවෙන් ඒවා ආශ්වාස කර ශ්වසන ආබාධ ඇතිවූ ෂියා වන්දනාකරුවන් 621 දෙනෙකු රෝහල්ගත කර ඇති බව වාර්තා වේ.
දශක ගණනාවක යුද්ධ, අභ්‍යන්තර ගැටුම් සහ දූෂණ හේතුවෙන් ඉරාකයේ බොහෝ යටිතල පහසුකම් අබලන් වී ඇති අතර, ආරක්ෂක ප්‍රමිතීන් පිළිපැදීම බොහෝ විට ප්‍රමාණවත් නොවේ.
මෙවර අර්බයින් සැමරීම සඳහා කර්බාලා වෙත ෂියා මුස්ලිම් වන්දනාකරුවන් මිලියන ගණනක් පැමිණෙනු ඇතැයි අපේක්ෂා කරන අතර එහි ගෞරවනීය ඉමාම් හුසේන් සහ ඔහුගේ සහෝදර අබ්බාස්ගේ සිද්ධස්ථාන පිහිටා ඇත.
එනම් මෙහිදී ෂියාවරුන් නබි මුහම්මද් තුමාගේ මුනුබුරා වන හුසේන්ගේ මරණය සිහිපත් කරන දින 40 ක ශෝක කාලයක් සමරණු ලබයි.
