රෂිකා හෙන්නායක අගෝස්තු 11, ලෝකය (අවුට්බවුන්ඩ් ටුඩේ):
ඕස්ට්‍රේලියාව පලස්තීන රාජ්‍යය පිළිගැනීමට යන අතර, නවසීලන්තය ද අනුගමනය කළ හැකි බව විදෙස් මධ්‍ය් වාර්තා කරයි. සැප්තැම්බර් මාසයේදී ඕස්ට්‍රේලියාව පලස්තීන රාජ්‍යයක් පිළිගන්නා බව ඕස්ට්‍රේලියානු අගමැති ඇන්තනි ඇල්බනීස් නිවේදනය කර තිබේ.
අගමැති ඇල්බනීස් පැවසුවේ, එක්සත් ජාතීන්ගේ මහා මණ්ඩලය (UNGA) නිව්යෝර්ක් නුවරදී රැස්වන විට තම රජය මෙම පියවර නිල වශයෙන් ප්‍රකාශයට පත් කරන බවයි.
“මැදපෙරදිග ප්‍රචණ්ඩත්වයේ චක්‍රය බිඳ දැමීමට සහ ගාසා තීරයේ ගැටුම්, දුක් වේදනා සහ සාගතය අවසන් කිරීමට මානව වර්ගයාගේ හොඳම බලාපොරොත්තුව ද්වි-රාජ්‍ය විසඳුමක්” යැයි කැන්බරා හි පැවති මාධ්‍ය හමුවකදී ඇල්බනීස් පැවසීය.
කැනඩාව, ප්‍රංශය සහ එක්සත් රාජධානිය ලබන මාසයේ රැස්වීමේදී පලස්තීනය විධිමත් ලෙස පිළිගැනීමට සූදානම් වෙමින් එක්සත් ජාතීන්ගේ සාමාජික රටවල අතිමහත් බහුතරයක් සමඟ එක්වෙමින් ඕස්ට්‍රේලියාවේ නිවේදනය නිකුත් වේ.
