රෂිකා හෙන්නායක අගෝස්තු 11, කොළඹ LNW:
අද (11) පෙරවරුවේ ඒකාබද්ධ රැකියා විරහිත උපාධිධාරී සංගමය විසින් සංවිධානය කළ විරෝධතාවක් පැලවත්ත අධ්යාපන අමාත්යාංශය ඉදිරිපිටදී පැවැත්විණි. එහිදී විරෝධතාකරුවන් පැය භාගයක පමණ කාලයක් එම ස්ථානයේ විරොධතාවයේ නිරත වීමෙන් අනතුරුව පැලවත්ත පිහිටි ජනතා විමුක්ති පෙරමුණේ ප්රධාන කාර්යාලය ඉදිරිපිටට විරෝධතා පාගමනින් පැමිණි අතර , එහිදී එම පක්ෂ කාර්යාලය ඉදිරිපිට දැඩි පොලිස් ආරක්ෂාවක් යොදවා තිබූ අයුරුද දක්නට ලැබුණි.
මෙහිදී විරෝධතාවට එක්වූ විරෝධතාකරුවන් පෙන්වා දෙනුයේ පවතින ආණ්ඩුව බලයට පත්වීමට පෙර ප්රතිපත්ති ප්රකාශය හරහා ලබා දුන් පොරාන්දු මේ වන විට කඩ කර ඇති බවය.
විරෝධතාකරුවන් මෙහිදී චෝදනා කළේ, දැනට රැකියා විරහිත උපාධිධාරීන් 35,000කට ආසන්න ප්රමාණයක් දිවයින පුරා සිටින බවත් රජය විසින් එම රැකියා විරහිත උපාධිධාරීන්ට ප්රතිපත්ති ප්රකාශය හරහා රැකියා ලබා දෙන බව මින් පෙර පැවසූ පොරොන්දු මේ වන විඩ කඩ කර ඇති බවත්ය.
