ගිණිකොණ දිග බංග්ලාදේශයේ චිතගොං වරාය නගරය ආශ්‍රිත ප්‍රදේශයක සිදු වූ පිපිරීමකිත් මේ වන විට අවම වශයෙන් 34 දෙනෙකු මරුමුවට පත්ව තවත් 300කට අධික පිරිමසක් තුවාල ලබා ඇති බව ජාත්‍යන්තර මාධ්‍ය වාර්ථා කරයි.
අද උදෑසන මෙම පිපිරීම සිදුව ඇත්තේ රසායනික ද්‍රව්‍ය ගබඩා කරන ලද බහාලුම් ගබඩා සංකීර්ණයක ඇති වූ ගින්නකින් බව දැනට පැවසෙන අතර ගින්නට හේතුව තවම අනාවරණයව නැත.
මරණ සංඛ්‍යාව තව දුරටත් ඉහළ යා හැකි අතර තුවාල ලැබූවන්ගෙන් බහුතරයක් අසාධ්‍ය තත්වයේ පසුවන බව චිතගොංහි ප්‍රධාන වෛද්‍යවරයා ජාත්‍යන්තර මාධය වෙත ප්‍රකාශ කර තිබිණි.
මිය ගිය අය අතර ගිණි නිවන භටයින් 06 දෙනෙකුද සිටින බව ගිණි නිවීමේ හා සිවිල් ආරක්ෂක සේවාවේ අධ්‍යක්ෂක ජෙනරාල්වරයා මාධ්‍ය වෙත පවසා තිබේ.
ප්‍රදේශයේ රෝහල්වල දැඩි තදබදයක් පවතින අතර ලේ දන්දෙන ලෙස ඉල්ලීම්ද ඉදිරිපත්ව ඇතැයි වාර්ථා විය.
මෙමම ඛේදවාචකය මේ වන විට සමස්ථ ලෝකයේද අවධානයට පත්ව ඇති අතර ජනතාවගේ බලවත් කමපනයට හේතු වී තිබේ.
