නුග ගහක් බෝ ගහක් නොවී
අඹ ගහක් වූ මිනිහෙක් එයා…
පෙන්වූයෙ ඔහුයි මට නම්
කළුපාට කොච්චර හැඩදැ’යි කියා…
අදත් මට කිව්වෙ මෙච්චරයි
“අමාරුම තව ඉදිරියට – හයියට හිටපං පුතා…”
දැනට හැත්තෑ හතක් වයසයි
මට වඩා හයියයි එයා…
ඒත් – බොරු කියන්නේ මොකටද…?
මහ ගස් ඇද වැටෙන විට ඉඳහිට
මට බය හිතෙනවා – ගැන එයා
බැන බැන මටත් – ඔන්න ආයෙත්
Resurrection ම කියවනවා…
‘හැත්තැ එක’ – නව කතාවක් නම්,
මං කැමති චරිතය එයා…
චිත්‍රපටියක් නම් ඒක –
හොඳම – සහය නළුවා එයා…
- සුරේඛා සමරසේන
