කොළඹ LNW: ඉදිරි දින දෙක තුන තුළ තමන්ද නිල නිවසින් ඉවත් වන බව හිටපු ජනාධිපති මෛත්‍රීපාල සිරිසේන මහතා පවසයි.
මේ දිනවල එම ඉවත්වීම සඳහා සූදානම් වන බවයි හිටපු ජනාධිපතිවරයා සඳහන් කරන්නේ.
”මමත් බඩු පටවනවා. හෙට අනිද්දට යනවා ඉතින්. තව දවස දෙකක තුනක් විතර තමයි ඉතින් ඉන්නේ. හිටපු ජනාධිපතිවරයෙක්ට නිවසක් සහ කැබිනට් ඇමතිවරයෙක්ගේ සියලු පහසුකම් දෙනවා කියල ජේ.ආර්. ජයවර්ධන මහතා පාර්ලිමේන්තුවේ සම්මත කරපු පනතකක් තිබුණා. ඒ පනත අනුව තමයි හිටපු හැමකෙනෙකුටම දුන්නේ. වර්තමාන ආණ්ඩුව ඒක අවලංගු කරලා යන්න කිව්වම අපි ඉතින් යනවා. ඒකෙ කිසි ප්‍රශ්නයක් නෑ අපිට.”
කෙසේවෙතත් තමන් නිලනිවසින් ඉවත් වන විට ජනතාව සහ මාධ්‍ය ගෙන්වීමට කටයුතු නොකරන බවද මෛත්‍රීපාල සිරිසේන මහතා තවදුරටත් කියාසිටියි.
ආශිකා බ්‍රාහ්මණ
