රෂිකා හෙන්නායක ඔක්තෝබර් 22 කොළඹ LNW :
වැලිගම ප්‍රාදේශීය සභාවේ සභාපති ලසන්ත වික්‍රමසේකර හෙවත් “මිදිගම ලසා” නැමැත්තාට වෙඩි ප්‍රහාරයක් එල්ල වී තිබේ.
එම වෙඩි ප්‍රහාරයෙන් වැලිගම ප්‍රාදේශීය සභාවේ සභාපති ලසන්ත වික්‍රමසේකර මහතා ජිවිතක්ෂයට පත්ව තිබෙන බව වාර්තා වේ.
ඒ මහතා ප්‍රාදේශීය සභාවේ සභාපති පුටුවේ රැඳී සිටිය දී යතුරුපැදියකින් පැමිණි නාඳුනන තුවක්කුකරුවන් දෙදෙනෙකු විසින් මෙම වෙඩි ප්‍රහාරය එල්ල කර ඇත.
මිදිගම ප්‍රදේශයේ පදිංචිකරුවකු වන ලසන්ත වික්‍රමසේකර මහතා මියයන විට 38 වැනි වියේ පසුවිය.
