සටහන – රුවන් නෙළුගොල්ල
කොළඹ වරායේ බටහිර ජැටිය ආසන්න මුහුදේ තිබී පුද්ගල මළසිරුරක් හමුවී ඇති බව කොළඹ වරාය පොලීසිය පවසයි.
මරණකරුගේ අනන්යතාවය මෙතෙක් තහවුරුවී නොමැති බවයි පොලීසිය සඳහන් කරන්නේ.
මරණකරු උස අඩි 05ක් පමණ වන පුද්ගලයෙකු බවත් කොණ්ඩය මදක් වැවී ඇති බවත් මෘතශරීරය නරක්වී හඳුනාගත නොහැකි තත්ත්වයේ පවතින අතර නිල් පැහැති ඩෙනිම් කලිසමක් හැඳ සිටි බවත් පොලීසිය වැඩිදුරටත් පවසයි.
මහේස්ත්රාත් පරීක්ෂණයෙන් පසු මෘතශරීරය කොළඹ ජාතික රෝහලේ මෘත ශරීරාගාරයේ තැන්පත් කර ඇති අතර කොළඹ වරාය පොලීසිය වැඩිදුර විමර්ශන සිදුකරයි.
