සටහන: සශිකලා මධුෂාණි
ඔක්තෝබර් 29: ලෝකය(අවුට්බවුන්ඩ් ටුඩේ) : එක්සත් ජනපදය විසින් මත්ද්රව්ය බෝට්ටු වශයෙන් හඳුනා ගන්නා ලද පැසිෆික් සාගරයේ බෝට්ටු හතරක් ඉලක්ක කර ගනිමින් එල්ල කරන ලද ප්රහාර හේතුවෙන් 14 දෙනෙකු ජිවිතක්ෂයට පත්ව ඇති බව වාර්තා වේ.
ජනාධිපති ඩොනල්ඩ් ට්රම්ප්ගේ මඟ පෙන්වීම යටතේ සිදුවූ මෙම ප්රහාරය පැසිෆික් සහ කැරිබියන් යන දෙඅංශයේම මත්ද්රව්ය රැගෙන යන බව එක්සත් ජනපදය පවසන බෝට්ටුවලට එල්ල වන ප්රහාර මාලාවක නවතම ප්රහාරය බව එක්සත් ජනපද ආරක්ෂක ලේකම් හෙග්සෙත් තහවුරු කර ඇති අතර මෙම ප්රහාරවලින් අවම වශයෙන් පුද්ගලයින් 57 දෙනෙකු මේ වන විට මිය ගොස් ඇති අතර, එය එක්සත් ජනපදය සහ කොලොම්බියාව සහ වෙනිසියුලාව යන දෙඅංශයේම රජයන් අතර ආතතීන් වැඩි කිරීමට හේතු වී තිබේ.
කැරිබියන් දූපත් වල, එක්සත් ජනපදය හමුදා, ගුවන් යානා සහ නාවික යාත්රා යොදවා ඇති අතර පසුගිය සතියේ ලොව විශාලතම යුද නෞකාව වන යූඑස්එස් ජෙරල්ඩ් ආර් ෆෝඩ් එම ප්රදේශයට යවා ඇති මුත් මෑතකදී එක්සත් ජනපදය පැසිෆික් සාගරය කෙරෙහි ද අවධානය යොමු කර ඇත.
ජාත්යන්තර මුහුදේ බෝට්ටුවලට බෝම්බ හෙලීම දිගටම කරගෙන යාමට තමාට නීතිමය බලය ඇති බව ජනාධිපති ට්රම්ප් ප්රකාශ කර ඇති අතර මෙක්සිකානු ජනාධිපති ක්ලෝඩියා ෂයින්බෝම් සිය කලාපය තුළ මෙම ප්රහාරය දැඩි ලෙස හෙළා දැක ඇත.
නීති විශේෂඥයින් ද මෙම ප්රහාරයන්ගේ නීත්යානුකූලභාවය පිළිබඳව ප්රශ්න කර ඇති අතර එක්සත් ජනපද ඩිමොක්රටික් සහ රිපබ්ලිකන් යන දෙපාර්ශවයේම එක්සත් ජනපද කොංග්රස් සභිකයින් ද කනස්සල්ල පළ කර ඇති අතර ඒවා නියෝග කිරීමට ජනාධිපතිවරයාට ඇති බලය පිළිබඳව ප්රශ්න කර ඇත.
