සටහන: සශිකලා මධුෂාණි
නොවැම්බර් 07: ලෝකය(අවුට්බවුන්ඩ් ටුඩේ) : ඊශ්‍රායලය විසින් ලෙබනනයේ කෆාර් ඩූනීන්, ටේයර් ඩෙබ්බා සහ සව්තාර් අල්-ෂාර්කියා නගරවලට දැවැන්ත ගුවන් ප්‍රහාර එල්ල කර ඇති බව වාර්තා වේ.
මාස 13 ක සටන් අවසන් කරමින් හිස්බුල්ලා සහ ඊශ්‍රායලය අතර වසරකට පමණ පෙර අත්සන් කරන ලද සටන් විරාම ගිවිසුමක් තිබියදීත් මෙම ප්‍රහාරය එල්ල වී ඇති අතර මේ සම්බන්ධයෙන් ඊශ්‍රායල හමුදාව සඳහන් කර තිබුණේ, හිස්බුල්ලා සංවිධානය නැවත සන්නද්ධ වීම වැළැක්වීමේ උත්සාහයක් වශයෙන් මෙම ප්‍රහාරය දියත් කළ බවයි.
කෙසේ නමුත්, ගිවිසුමේ නියමයන් යටතේ හිස්බුල්ලා සංවිධානය නිරායුධ කළ යුතු අතර, දෙපාර්ශ්වයම එකිනෙකාට වෙඩි තැබීම නතර කළ යුතු අතර ඊශ්‍රායලය ලෙබනන් භූමියෙන් ඉවත් වීමට නියමිය.
කෙසේ නමුත්, ඊශ්‍රායලය තවමත් ලෙබනනයේ ස්ථාන පහක් පාලනය කරන අතර ලෙබනන රජය හිස්බුල්ලා සංවිධානය නිරායුධ කිරීමට සහ ආයුධවල ඒකාධිකාරය රාජ්‍යය සතු බව සහතික කිරීමට කැපවී සිටී. දකුණු ලෙබනනයේ හිස්බුල්ලා සංවිධානයේ අවි ගබඩාවලින් 85% ක් පමණ නිරායුධ කර ඇති බවත්, වසර අවසන් වන විට එම ප්‍රදේශය සම්පූර්ණයෙන්ම නිරායුධ කිරීමට ඉලක්ක කර ඇති බවත් එහි සඳහන් විය.
