රෂිකා හෙන්නායක නොවැම්බර් 09, කොළඹ LNW :
ඊයේ (08) දින මාලදිවයින් මුහුදේදී මත්ද්‍රව්‍ය ප්‍රවාහන කරන බවට සැකපිට අත්අඩංගුවට ගත් ධීවරයින්, යළි මෙරටට ගෙන්වා ගැනීම සදහා රාජ්‍ය තාන්ත්‍රික මට්ටමේ සාකච්ඡා ආරම්භ වී ඇති බව වාර්තා වේ. විදේශ කටයුතු අමාත්‍යංශයේ මැදිහත්වීමෙන් එම කටයුතු සිදුවන බව මහජන ආරක්ෂක අමාත්‍ය ආනන්ද විජේපාල මහතා පවසයි.
ඊට අදාළ ලිපියක් ද, මාලදිවයින් රජයට යොමුකර ඇතැයි අමාත්‍යවරයා සඳහන් කළ අතර, පොලිස් මත්ද්‍රව්‍ය නාශක කාර්යංශයේ විශේෂ කණ්ඩායමක් ද, මේ වන විට මාලදිවයින බලා පිටත්ව ගොස් ඇති බවද සඳහන් වේ.
