නිශ්මං රණසිංහ නොවැම්බර් 10, කොළඹ LNW:
පූර්ණ සුදුසුකම් ලත් ක්‍රිකට් පුහුණුකරුවෙක් වීම සදහා පුහුණුකරුවන් විසින් Level 0, 1, 2, 3 යන පාඨමාලා සාර්ථකව හැදෑරිය යුතුය.ඒ ආකාරයට ශ්‍රී ලංකා ක්‍රිකට් පුහුණු අධ්‍යාපන ඒකකය (Sri Lanka Cricket Coach Education Unit) විසින් ජාත්‍යන්තර ප්‍රමිතීන් ට අනුව සකස් කරන ලද ක්‍රිකට් පුහුණු පාඨමාලාවේ මූලික අදියර (Level 0) වැඩසටහන පසුගියදා කෑගල්ල දිස්ත්‍රික්කයේ සාර්ථකව පවත්වන ලදි.
මධ්‍යම පලාත් ක්‍රිකට් සංගමය විසින් කෑගල්ල ශාන්ත මරියා ප්‍රාථමික විද්‍යාලයේ පවත්වනු ලැබූ මෙම වැඩසටහනට දිස්ත්‍රික්කයේ පාසල් පුහුණුකරුවන් 25 දෙනෙකු සහබාගී විය.
මෙම වැඩසටහන තුළ ක්‍රිකට් පුහුණුකරණයේ මූලික දැනුම, ක්‍රීඩක කළමනාකරණය, කුසලතා වර්ධනය සහ භාවිතාත්මක ආදර්ශ පරීක්ෂණ ආදිය පිළිබඳව වටිනා දැනුමක් ලබා දුන් අතර සහබාගී වූ සියලුම පුහුණුකරුවන්ට (Level 0)සහතික පත්‍ර ප්‍රදානය කෙරිණ.
