සටහන: සශිකලා මධුෂාණි
නොවැම්බර් 18: ලෝකය(අවුට්බවුන්ඩ් ටුඩේ) : සෞදිහි ඔටුන්න හිමි මොහොමඩ් බින් සල්මාන් කුමරු ධවල මන්දිරයේ සංචාරයක නිරත් වීමට පෙර ජනධිපති ඩොනල්ඩ් ට්‍රම්ප් අතර පවතින මිත්‍රත්වයේ කොටසක් වශයෙන්, F-35 යානා මැදපෙරදිගට අළෙවි කිරිමට තමන් සුදානම් බව එක්සත් ජනපද ජනාධිපතිවරයා ප්‍රකාශ කර තිබේ.
ලොක්හීඩ් මාටින් විසින් නිෂ්පාදනය කරන ලද F-35 යානය ලොව දියුණුම ප්‍රහාරක ජෙට් යානය ලෙස සලකනු ලබන අතර, සතුරු ආරක්ෂකයන්ට හඳුනා ගැනීමට අපහසු තාක්‍ෂණයකින් සමන්විත බව පැවසේ.
මෙම F-35 ප්‍රහාරක ජෙට් යානය විකිණීම සිදුවුවහොත්, සෞදි අරාබිය F-35 වැඩසටහනේ පළමු අරාබි රට බවට පත්වනු ඇත.
ඊශ්‍රායල නිලධාරීන් දැනටමත් F-35 ජෙට් යානා සෞදි අරාබියට මාරු කිරීමට විරුද්ධ වී ඇති අතර වොෂින්ටනය සහ රියාද් අතර ඇති විය හැකි අවි ගනුදෙනුව, එක්සත් ජනපද නීතියේ අන්තර්ගත ඊශ්‍රායලයේ ගුණාත්මක මිලිටරි වාසිය ආරක්ෂා කිරීම පිළිබඳව ප්‍රශ්න මතු කරන ඇත.
එනම්, 1968 දී ජනාධිපති ලින්ඩන් ජොන්සන් යටතේ ප්‍රථම වරට ස්ථාපිත කරන ලද සහ ජනාධිපති රොනල්ඩ් රේගන් විසින් විධිමත් ලෙස සම්මත කර ඇති ගිවිසුමකට අනුව, සෑම ඇමරිකානු පරිපාලනයක්ම, කලාපීය බලවේගවල ඕනෑම සංයෝජනයකට එරෙහිව ඊශ්‍රායලයට ජයග්‍රහණය කිරීමේ හැකියාව ආරක්ෂා කිරීමට ප්‍රතිඥා දී තිබේ.
මේ අනුව, ඊශ්‍රායලය සමඟ නිල සබඳතා ඇති කර ගැනීමට සෞදි අරාබියට ඒත්තු ගැන්වීමට ජනාධිපති ට්‍රම්ප් කටයුතු කරන බැවින්, මෙම තීරණය සෞදි අරාබියට සැලකිය යුතු ජයග්‍රහණයක් සනිටුහන් කරනු ඇත.
