රෂිකා හෙන්නායක නොවැම්බර් 23, කොළඹ LNW :
ජාතික ඖෂධ නියාමන අධිකාරිය ජනතාවගෙන් ඉල්ලීමක් කරයි. ඒ, උපරිම මිල නියම කළ ඖෂධ වැඩි මිලට අලෙවි කරන ඔසුසැල් සම්බන්ධයෙන් තොරතුරු දැනුම් දෙන්නැයි උපරිම මිල නියම කළ ඖෂධ වැඩි මිලට අලෙවි කරන ඔසුසැල් සම්බන්ධයෙන් තොරතුරු දැනුම් දෙන ලෙසයි.
එලෙස උපරිම මිලක් නියම කළ ඖෂධ සංඛ්‍යාව, 350 ක් වන අතර, ඒ අනූව ඖෂධ වර්ග රැසක මිල 40% ක උපරිමයකට යටත්ව, විවිධ ප්‍රතිශතවලින් පහළ ගොස් ඇති බව , ජාතික ඖෂධ නියාමන අධිකාරියේ සභාපති, විශේෂඥ වෛද්‍ය ආනන්ද විජේවික්‍රම මහතා සඳහන් කළේය. ඔහු සදහන් කළේ, එම මිල සීමාව ඉක්මවා ඖෂධ අලෙවි කිරීම දඬුවම් ලැබිය හැකි වරදක් බවය. පිළිකා රෝගීන්ට ලබාදෙන ඖෂධ, රුධිර පීඩනයට ලබාදෙන ඖෂධ ඇතුළු අත්‍යවශ්‍ය ඖෂධ වර්ග රැසක මිල ගණන් එලෙස පහළ දමා ඇති බව වාර්තා වේ.
