සටහන: සශිකලා මධුෂාණි
දෙසැම්බර් මස 07: ලෝකය (අවුට්බවුන්ඩ් ටුඩේ) : ඉන්දියාවේ උතුරු ගෝවා දිස්ත්රික්කයේ අර්පෝරා ගම්මානයේ ජනප්රිය රාත්රී සමාජ ශාලාවක ඊයේ(06)රාත්රියේ ඇති වූ ගින්නක් හේතුවෙන් 23 දෙනෙකු ජිවිතක්ෂයට පත්ව තිබේ.
ගින්නට හේතුව ගෑස් සිලින්ඩරයක් පුපුරායාම බවට වාර්තා වන අතර ගින්නෙන් සංචාරකයින් කිහිප දෙනෙකු සහ මුළුතැන්ගෙයි සේවකයින් බොහෝ දෙනෙකු මිය ගොස් තිබේ.
ගෝවාහි ප්රධාන අමාත්ය ප්රමෝද් සාවන්ත් මෙම සිදුවීම සම්බන්ධයෙන් සඳහන් කර තිබුණේ, සිදුවීම සම්බන්ධයෙන් පරීක්ෂණයක් පැවැත්වීමට නියෝග කර ඇති බවත්, ඕනෑම නොසැලකිල්ලක් සම්බන්ධයෙන් දැඩි ලෙස කටයුතු කරනු ඇති බවත්ය.
අරාබි මුහුදේ වෙරළ තීරයේ පැරණි පෘතුගීසි යටත් විජිතයක් වූ ගෝවා, එහි රාත්රී ජීවිතය, වැලි සහිත වෙරළ තීරයන් සහ සන්සුන් වෙරළබඩ වායුගෝලය සමඟ සෑම වසරකම මිලියන ගණනක් සංචාරකයින් ආකර්ෂණය කරයි.
