නිශ්මං රණසිංහ ජනවාරි 09, කොළඹ LNW:
ජැමෙයිකාවට මෙලිසා සුළි කුණාටුවෙන් සිඳු වූ හානියෙන් ගොඩ ඒම සඳහා ලෝක මලල ක්රීඩා සංගමයේ අනුග්රහය ලබා දීමට එම සංගමයේ සභාපති සෙබස්තියන් කෝ ප්රතිඥා චී ඇත.ඒ ඔහු ජැමෙයිකාවේ කළ නිල සංචාරයෙන් ඉනික්බිතිවය.
“ජාත්යන්තර මලල ක්රීඩා පදනම ඇමරිකානු ඩොලර් 100,000 ක මූල්ය ආධාර ලබා දෙන අතර, JAAA හරහා පෙර සහයෝගිතා අරමුදල්වලට අනුව එකඟ වූ ක්රියාවලියක් හරහා අරමුදල් බෙදා හැරීම සහ දිවයිනේ බලපෑමට ලක් වූ බටහිර පැත්තේ ක්රීඩක ක්රීඩිකාවන්ට අප්රේල් මාසයේදී ග්රෙනාඩාවේ CARIFTA ක්රීඩා සහ අගෝස්තු මාසයේදී ඇමරිකා එක්සත් ජනපදයේ ඔරිගන්හි පැවැත්වෙන ලෝක මලල ක්රීඩා U20 ශූරතාවලිය ඇතුළුව කලාපීය සහ ගෝලීය ශූරතාවලියේ පුහුණුවීම් සහ තරඟ කිරීම දිගටම කරගෙන යා හැකි බව සහතික කිරීම කෙරෙහි අවධානය යොමු කරන වැඩසටහන් සහාය ලබා දෙනු ඇත.‘‘ යනුවෙන් මෙහිදී කෝ පවසා ඇත.
පශ්චාත් සුළි කුණාටු පරිසරය විමසා බැලීම සඳහා කෝ විසින් කරන ලද සංචාරවලින් පසුව “දේශීය පාසල් වෙත මා කළ සංචාරවලින් පෙනී යන්නේ, ජැමෙයිකාවේ ක්රීඩාවට අඛණ්ඩව දීප්තිමත් අනාගතයක් පෙන්වා දෙන පොහොසත් දක්ෂතා සංචිතයක් ඇති බවයි,“ යනුවෙන් පැවසීය.
එසේම “වසර ගණනාවක් තිස්සේ අපගේ ක්රීඩාව උසේන් විසින් ආධිපත්යය දැරීය – අපි ඔහුට කෘතඥතාව පළ කළ දැවැන්ත චරිතයක්,” ඔහු පැවසීය. “ජැමෙයිකාවේම පුතා අපගේ ක්රීඩාව ගෝලීය පරිමාණයෙන් ඔසවා තැබීමට බොහෝ දේ කළ අතර, අපගේ නව ගෝලීය ශූරතාවලිය ප්රවර්ධනය කිරීමට උසේන් එකඟ වීම ගැන අපි සතුටු වෙමු. 2026 සැප්තැම්බර් මාසයේදී ඔහු සහ බොහෝ ජැමෙයිකානු ක්රීඩක ක්රීඩිකාවන් බුඩාපෙස්ට් වෙත පිළිගැනීමට අපි බලාපොරොත්තු වෙමු.” යැයි ද පැවසූ කෝ බුඬාපේස්ට් හී පැවත්වෙන ලෝක මලල ක්රීඩා සූරතාවලිය සඳහා බෝන්ට්ගේ සහභාගීත්වය නිසා එකතු වන චමත්කාරය ද සිහිපත් කළේය.
ශ්රී ලංකාවේ සුළි කුණාටුව නිසා සිඳු වී ඇති විපත් සහ එයින් ක්රීඩාවට විය හැකි බලපෑම ද සුළු නැත.විශේෂයෙන් වර්ථමාන තරුණ පුහුණුකරුවන් ස්වීය පරිගනක සාක්ෂරතාවය හරහා ගොඩ නඟා ගන්නා ජාත්යන්තර සබඳතා සමඟ තරුණ ක්රීඩකයන්ව ඉදිරියට ගෙන ඒම සඳහා විශාල පදනමක් ස්ථාවර කරමින් සිටින මොහොතක ඔවුන්ගේ මූලික ක්රීඩා පුහුණු පහසුකම්වලටද දිට්වා හරහා විශාල හානියක් කර තිබෙන බව දකින්නට ඇත.එහෙත් එවැනි කරුණු කෙරෙහි අවධානය යොමු කරවන්නට මේ වන විටත් මලල ක්රීඩා සංගමයක් නිල වශයෙන් ශ්රී ලංකාවට නැත.
මීට පෙර මෙලීසා සුළි කුණාටුව ඇති වූ මොහොතේම ලෝක නෙට්බෝල් සංගමයද ඒගලන්ත නෙට්බෝල් සංගමයද පෙරට ආ අතර ජැමෙයිකා රජයට උපකාර කළ යුතු අන්තර් ජාල සබඳතාවය ද ලෝක නෙට්බෝල් සංගමය ප්රසිද්ධ කර තිබිණ.එහෙත් ලංකාවේ එහි පරිපාලන ගැටළු ද විසඳී නැත.නමුත් දන්නා පරිදි තවමත් ආසියානු සභාපතිවරිය සිටින්නේ ශ්රී ලංකාවේය.
