හම්බන්තොට වරාය වෙත පැමිණීමට නියමිත චීන නෞකාව හේතුවෙන් ඉන්දියාව සහ චීනය අතර අර්බුදයක් මතුව තිබෙනවා. අදාල නෞකාව පැමිණීම තම රටට බරපතල තර්ජනයක් බවයි ඉන්දීය රජය පවසන්නේ.
අගොස්තු 11 වැනිදා මෙම නෞකාව හම්බන්තොට වරාය වෙත පැමිණීමට නියමිතය. කෙසේ නමුත් මෙරට රජය චීනයෙන් ඉල්ලා තිබෙන්නේ නෞකාවේ පැමිණීම ප්‍රමාද කරන ලෙසයි. ඉන්දීය බලපෑම හමුවේ මෙම ඉල්ලීම සිදුකර ඇති බවද වාර්තා විය.
මේ සම්බන්ධයෙන් චීන රජය නොසතුට පළකර ඇති අතර එරට විදේශ කටයුතු අමාත්‍යංශය පවසන්නේ ශ්‍රී ලංකාව සහ චීනය අතර සබඳතාවලට බලපෑම් කිරීමට ඉන්දියාවට කිසිදු අයිතියක් නොමැති බවයි. ශ්‍රී ලංකාව සහ චීනය අතර සහයෝගීතාවය ස්වාධීනව සිදු කරන්නක් බවත් එය වෙනත් කිසිදු තෙවැනි පාර්ශ්වයක් ඉලක්ක කර නොගන්නා බවත්ය.
මෙනිසා ශ්‍රී ලංකාව පීඩනයට පත් කිරීමෙන් වැළකී සිටින ලෙස චීනය ඉන්දියානු රජය වෙත අවධාරණය කර සිටිනවා.
ශ්‍රී ලංකාව ස්වාධීන රාජ්‍යයක් වන බැවින් තමන්ගේ සංවර්ධන අවශ්‍යතා වෙනුවෙන් කැමති ඕනෑම රටක් සමග සබඳතා වර්ධනය කර ගැනීමේ අයිතිය ඔවුන් සතුවන බවද චීනය වැඩිදුරටත් අවධාරණය කරනවා.
UN
