කොළඹ LNW:යුද්ධයෙන් ගැටුම් නිරාකරණය කළ නොහැකි බවත්, යුදමය මෙහෙයුම් කඩිනමින් නතර කරන ලෙස චීනය අදාළ පාර්ශ්වයන්ගෙන් යළි ඉල්ලා සිටින බවත් චීන විදේශ අමාත්යාංශය පවසනවා. එහි ප්රකාශිකා Mao Ning මහත්මිය ඊයේ(02) පැවති නිත්ය මාධ්ය හමුවකදී මේ බව කියා සිටියා.
ඇමරිකානු ජනාධිපති ඩොනල්ඩ් ට්රම්ප් ප්රකාශ කළේ ඉරානයට එරෙහිව අඛණ්ඩව ප්රබල ප්රහාර එල්ල කරනු ඇති බවත් එය තවදුරටත් සති 2ත් 3ත් අතර කාලයක් පවතිනු ඇති බවයි. එමෙන්ම, ඉරානය තමා සමග සාකච්ඡා මේසයේ දී විසඳුම්වලට පැමිණීමට අකමැති නම්, ඇමරිකාව, එරට බලශක්ති යටිතල පහසුකම්වලට ප්රහාර එල්ල කරනු ඇති බවට ද ට්රම්ප් යළි ප්රකාශ කර තිබෙනවා.
මේ සම්බන්ධයෙන් අදහස් දක්වමින් චීන විදේශ අමාත්යාංශ ප්රකාශිකාව සඳහන් කළේ, අදාළ පාර්ශ්වයන් හැකි ඉක්මනින් සාකච්ඡා ක්රියාදාමය ආරම්භ කර, ලෝක ආර්ථිකය හා ගෝලීය බලශක්ති ආරක්ෂාවට අනිසි බලපෑම් එල්ල කිරීම වළක්වන ලෙස චීනය යළි ඉල්ලා සිටින බවයි.
දිනූෂි ධීරසිංහ
