පාර්ලිමේන්තුවේ කමිටු කිහිපයකින් තමන්ව සහ තම කණ්ඩායමේ මන්ත්‍රීවරුන් කිහිපදෙනෙකුව ඉවත් කර ඇති බව පවසමින් පාර්ලිමේන්තු මන්ත්‍රී ඩලස් අලහප්පෙරුම මහතා විසින් එල්ල කර ඇති චෝදනාවට ශ්‍රී ලංකා පොදුජන පෙරමුණ ප්‍රතිචාර දක්වා තිබේ.
දීර්ඝ නිවේදනයක් නිකුත් කරමින් ඔවුන් පවසන්නේ ඩලස් අලහප්පෙරුම මහතා සහ ඔහුගේ කණ්ඩායම සමග තම පක්ෂයට කිසිදු වෛරයක් නොමැති බවත් තමන්ට ඇත්තේ ඔවුන්ගේ දේශපාලන භාවිතාව සම්බන්ධ ප්‍රතිපත්තිමය ප්‍රති තර්කයක් පමණක් බවත් එය කිසිසේත්ම එම පාර්ශ්වය වෙත වෛරය මුදාහැරීමක් නොවන බවත් ය.
ඩලස් අලහප්පෙරුම මහතා වත්මන් රජය බලයට පත්වූ අවස්ථාවේ සිටම කටයුතු කරනු ලැබුවේ එක්තරා පුද්ගලික න්‍යාය පත්‍රයක් මතයැයි තමන්ට නිරීක්ෂණය වී තිබුණු බව පවසන ශ්‍රී ලංකා පොදුජන පෙරමුණ, අලහප්පෙරුම මහතා තම පක්ෂයේ නායක මහින්ද රාජපක්ෂ මහතාට එරෙහිව දේශපාලන සදාචාරයේ අවම සීමාවන් පවා ඉක්මවා යමින් කටයුතු කළ බවත් සඳහන් කරයි.
එම පක්ෂය විසින් නිකුත් කරන ලද සම්පූර්ණ නිවේදනය පහතින් දැක්වේ.
RN
