නදීක දයා බණ්ඩාර – මහනුවර
කොළඹ LNW:ආපදා තත්ත්වය හේතුවෙන් වගාවන්ට හානි වූ ගොවියන් 441 දෙනෙකු සඳහා වන්දි මුදල් ලබාදීමට අන්තර් පළාත් කෘෂිකර්ම දෙපාර්තමේන්තුව පියවර ගෙන තිබේ.
ඒ අනුව මහනුවර, මාතලේ සහ බදුල්ල දිස්ත්‍රික්කවල වගා කටයුතු කරන ගොවියන් සඳහා මෙම වන්දි මුදල් ලබා දුන් බවත් එළවළු, පළතුරු සහ අතිරේක බෝග වගාවන්ට සිදුවූ හානි වෙනුවෙන් වන්දි මුදල් ලබා දුන් බව හසලක අන්තර් පළාත් කෘෂිකර්ම අධ්‍යක්ෂ එම්.ඒ.එස්.ඒ.බණ්ඩාර මහතා පැවසුවේය.
මහනුවර දිස්ත්‍රික්කයේ ගොවියන් 190ක් සඳහා රුපියල් ලක්ෂ පනස් අටක මුදලක් වන්දි වශයෙන් ලබා දුන් බව කී ඒ මහතා බදුල්ල දිස්ත්‍රික්කයේ ගොවියන් 180 දෙනෙකු සඳහා රුපියල් ලක්ෂ පනස්නමයක මුදලක් වගා හානි වන්දි වශයෙන් ලබා දුන් බව පැවසුවේය.
මාතලේ දිස්ත්‍රික්කයේ ගොවියන් 71 දෙනෙකු සඳහා රුපියල් විසිතුන් ලක්ෂ හතළිස්පන්දහසක මුදලක් වන්දි වශයෙන් ලබා දුන් බව ද ඒ මහතා තව දුරටත් පැවසුවේය.
