රෂිකා හෙන්නායක අප්‍රේල් 29, කොළඹ LNW :
ජනාධිපතිවරයා විසින් දැනට පවතින හදිසි අවස්ථා තත්ත්වය තවත් මාසයක කාලයකින් දීර්ඝ කර ඇති බව වාර්තා වේ.
දිට්වා සුළි කුණාටුවෙන් සිදු වූ විනාශය හමුවේ මහජන ආරක්ෂාව තහවුරු කිරීම සහ සාමාන්‍ය ජන ජීවිතය අඛණ්ඩව පවත්වාගෙන යාම මෙම තීරණයේ ප්‍රධාන අරමුණයි. ඒ අනුව විදුලිය, ඉන්ධන සහ සෞඛ්‍ය ඇතුළු ප්‍රජාවට අතිශය වැදගත් වන අංශ රැසක් අත්‍යවශ්‍ය සේවා ලෙස යළි ප්‍රකාශයට පත් කර ඇත.
මෙම නියෝගය හරහා රජයේ ආයතන මෙන්ම සමූපාකාර සමිති මඟින් සපයනු ලබන සේවාවන් බාධාවකින් තොරව පවත්වාගෙන යාමට නීතිමය පදනමක් සපයයි.
අදාළ නිල ගැසට් නිවේදනය ජනාධිපති ලේකම්වරයා විසින් නිකුත් කර ඇති අතර එය රටේ යථා පැවැත්ම සුරක්ෂිත කිරීම සඳහා ගත් ක්‍රියාමාර්ගයකි.
