රෂිකා හෙන්නායක අප්‍රේල් 04, කොළඹ LNW :
ඉන්දීය නාවික හමුදාවේ සේවය කරන සබ්මැරීනයක් වන INS සින්දුකේසරි, මෙහෙයුම් හැරවුම් කටයුතු සඳහා ඊයේ (03) කොළඹ වරායට පැමිණියේය.
ශ්‍රී ලංකා නාවික හමුදාව විසින් නාවික සම්ප්‍රදායන්ට අනුකූලව මෙම සබ්මැරීනය පිළිගනු ලැබීය.
දිවයිනේ රැඳී සිටින කාලය පුරාවටම, සබ්මැරීනයේ කාර්ය මණ්ඩලය ශ්‍රී ලංකාවේ සංචාරක ආකර්ෂණීය ස්ථාන කිහිපයක් නැරඹීම ඇතුළුව ශ්‍රී ලංකා නාවික හමුදාව විසින් සංවිධානය කරන ලද විවිධ වැඩසටහන් සඳහා සහභාගී වීමට නියමිතය.
