සටහන – පුලී
ජූනි 04, LNW (කොළඹ): යුක්රේනයේ රුසියානු පාලනය යටතේ පවතින ප්රදේශයක් හරහා ගමන් කරමින් තිබූ මගී බස් රථයකට ඩ්රෝන යානයක් ගැටීමෙන් පුද්ගලයින් අට දෙනෙකු මිය ගොස් තවත් 10 දෙනෙකු තුවාල ලබා ඇති බව රුසියානු ආරංචි මාර්ග පවසයි.
යුක්රේනයේ නැගෙනහිර ඩොනෙට්ස්ක් කලාපයේ බදාදා අලුයම මොස්කව් අසල නගරයක් සහ රුසියාව විසින් ඈඳා ගන්නා ලද ක්රිමියාවේ සිම්ෆෙරොපොල් අතර ගමන් කරමින් සිටියදී බස් රථය මෙලෙස ගැටී තිබේ.
රුසියාව කියා සිටියේ ප්රහාරය යුක්රේන ඩ්රෝන යානයක් මගින් සිදු කළ බවයි.
ඉකුත් බදාදා රුසියාවේ දෙවන විශාලතම නගරය වන ශාන්ත පීටර්ස්බර්ග් නගරයට ඉහළින් කළු දුමාරයක් නැඟී එන අයුරු දැකගත හැකි වූ අතර, යුක්රේන ජනාධිපති වොලොඩිමියර් සෙලෙන්ස්කි එහි තෙල් පර්යන්තයකට පහර දී ඇති බව ද තහවුරු කළේය.
යුක්රේන දේශසීමාවේ සිට කිලෝමීටර් දහස් ගණනක් දුරින් පිහිටි රුසියානු ජනාධිපති ව්ලැඩිමීර් පුටින්ගේ උපන් ගමට ප්රහාරය එල්ල වූයේ, රුසියාව ලොවට පෙන්වීම සඳහා නිර්මාණය කර ඇති වාර්ෂික ජාත්යන්තර ආර්ථික සංසදය ශාන්ත පීටර්ස්බර්ග් හි පැවැත්වෙන අතරතුර ය. පුටින් මෙම සිකුරාදා එහි ජනතාව ඇමතීමට ද නියමිතය.
