රෂිකා හෙන්නායක ජුනි 07, කොළඹ LNW :
විස්සයි විස්ස කාන්තා ලෝක කුසලානයට පෙර පැවති පුහුණු තරගයකදී පාකිස්තානු කණ්ඩායම පරදා ශ්රී ලංකා කණ්ඩායම විශිෂ්ට ජයක් වාර්තා ඇත.
ප්රථමයෙන් පන්දුවට පහර දුන් පාකිස්තානය ලකුණු 168ක් රැස්කළ අතර, ශ්රී ලංකා පන්දු යැවීමේ බලඇණිය මෙහෙයවූ චේතනා විමුක්ති කඩුලු 04ක් දවාගනිමින් කැපී පෙනෙන දස්කම් දැක්වූවාය.
එම ඉලක්කය හඹා ගිය ශ්රී ලංකා පිතිකාරිණියන් ඉතා දක්ෂ ලෙස ක්රීඩා කරමින් පන්දුවාර 19ක් ඇතුළත එක් කඩුල්ලක් පමණක් දැවී ජයග්රහණය තහවුරු කර ගත්හ.
එහිදී චමරි අතපත්තු ලකුණු 94ක් සහ විශ්මි ගුණරත්න නොදැවී ලකුණු 63ක් ලබාගනිමින් පිත්තෙන් සුවිශේෂී දායකත්වයක් ලබා දුන්හ.
අවසානයේදී ශ්රී ලංකා කණ්ඩායම කඩුලු 09ක අතිවිශිෂ්ට ජයක් ලබමින් තරගාවලියට පෙර ඉතා ඉහළ මානසික මට්ටමක් අත්කර ගෙන තිබේ.
