සටහන – පුලී
ජූනි 09, LNW (කොළඹ): වංචාවක් සම්බන්ධයෙන් දැනට සිරගතව සිටින, ගුප්ත ව්‍යවහාර මුදල් ක්ෂේත්‍රයේ(cryptocurrencies) එක් කාලයක දැවැන්තයෙකු වූ Sam Bankman-Fried, ජනාධිපති ඩොනල්ඩ් ට්‍රම්ප්ගෙන් සමාව ඉල්ලා තිබේ.
ඔහු ආරම්භ කර නායකත්වය දුන් cryptocurrencies හුවමාරුව වන FTX සහ ඒ ආශ්‍රිත සමාගමක් වන ඇලමේඩා රිසර්ච් සම්බන්ධ බහුවිධ ෆෙඩරල් චෝදනා සම්බන්ධයෙන් වරදකරු වීමෙන් පසු බෑන්ක්මන්-ෆ්‍රයිඩ්ට වසර 25ක සිර දඬුවමක් නියම කරන ලදී.
එම දඬුවමෙන් වසර දෙකක් ගත වූ පසු, 34 හැවිරිදි හිටපු බිලියනපතියා, ඔහුගේ දඬුවම සම්පූර්ණ කිරීමෙන් පසු සමාව ඉල්ලා අධිකරණ දෙපාර්තමේන්තුවට අයදුම්පතක් ගොනු කර ඇති බව විදෙස් මාධ්‍ය වාර්තාවල දැක්වේ.
බෑන්ක්මන්-ෆ්‍රයිඩ්ට අවසානයේ සමාවක් ලැබුණහොත්, ඔහුගේ අපරාධවලට නීතිය යටතේ මූලික වශයෙන් සමාව ලැබෙනු ඇත.
“දඬුවම අවසන් වූ පසු සමාවක්” ලැබීමෙන් අදහස් වන්නේ, විවිධ වංචා චෝදනා සම්බන්ධයෙන් බෑන්ක්මන්-ෆ්‍රයිඩ් වරදකරු වී ඇති බවත්, ඔහු සිර දඬුවම විඳීමෙන් පසු ඔහුට සමාව ලැබෙන බවත්ය.
