බස්නාහිර පළාත් රග්බි සංගමය සංවිධානය කරන්නට යෙදුණ,බස්නාහිර පළාත් අවුරුදු 24 න් පහළ රග්බි සූරතාවලියේ විවෘත ක්‍රීඩා සමාජ අංශයෙන් නාවික හමුදාව ජයගත් අතර සංවර්ධිත කණ්ඩායම් අතර පැවති තරගාවලියේ ජය හිමි වූයේ ආදි වෙස්ලි කණ්ඩායමටය.
විවෘත අංශයෙන් ක්‍රීඩා සමාජ 6 ක් සහ සංවර්ධිත ක්‍රීඩා සමාජ 12 ක් සත් සාමාජික තරගාවලියක් ලෙස ක්‍රියාත්මක වූ මෙම තරගාවලියට එක්ව සිටියහ.පොලිස් ක්‍රීඩාංගණයේ පැවති මෙම තරගාවලියේ විවෘත අංශයේ අවසාන තරගයට නාවික හමුදාවට එරෙහිව පැමිණියේ පීටර්සන් ක්‍රීඩා සමාජය ය.එහිදී නාවිකයෝ ලකුණු 20 ක් ලෙස පහසුවෙන් පීටර්සන් ක්‍රීඩාකයන්ව අභිබවා ගියහ.
සංවර්ධිත කණ්ඩායම් දොළහක් අතර පැවති තරගයේ ජයග්‍රහණය දිනූ ආදි වෙස්ලි කණ්ඩායම ලකුණු 21 – 7 ක් ලෙස පානදුර රග්ර් ක්‍රීඩා සමාජ කණ්ඩායම පරාජය කරන්නට සමත් විය.
නිපොන් මෙම තරගාවලිය ද අනුග්‍රාහකත්වයෙන් වර්ණවත් කරන්නට ඉදිරිපත් වී සිටි අතර පකිස්තානු තානාපති කාර්යාලය ද මෙම තරගාවලියට ආදරය අනුගුහය ලබා දීමට ඉදිරිපත් වී තිබිණ.
පහත දැක්වෙන්නේ තරගාවලියේ අවස්ථා කිහිපයක් දැක්වෙන ඡායාරූප කිහිපයකි.
RM
