කොළඹ LNW:ගල්ෆ් කලාපයේ යළි ආරම්භ වූ යුද ගැටුම් පිළිබඳව චීනය දැඩි කනස්සල්ල පළ කරන බව චීන විදේශ අමාත්‍යාංශය ප්‍රකාශ කරනවා. එහි ප්‍රකාශක Lian Jian මහතා ඊයේ(14) පැවති නිත්‍ය මාධ්‍ය හමුවේදී මේ බව පැවසුවා.
සාමය සහ ස්ථාවරත්වය සඳහා වන ජාත්‍යන්තර හා කලාපීය ප්‍රබල ඉල්ලීම්වලට අවනත වන ලෙසත්, තාර්කිකත්වයෙන් සහ සංයමයෙන් යුතුව කටයුතු කරමින් සටන් විරාමය සහතික කරන ලෙසත් චීනය අදාළ සියලු පාර්ශ්වයන්ගෙන් ඉල්ලා සිටිනවා.
හෝමූස් සමුද්‍ර සන්ධියට ආසන්න වෙරළබඩ රටවල නීත්‍යනුකූල අයිතිවාසිකම් සහ අවශ්‍යතාවලට අදාළ සියලුම පාර්ශ්වයන් ගරු කරනු ඇතැයි චීනය බලාපොරොත්තු වනවා.
එමෙන්ම සමුද්‍ර සන්ධිය හරහා සාමාන්‍ය සහ ආරක්ෂිත ගමනාගමනය ඉක්මනින් යථා තත්ත්වයට පත් කිරීම ජාත්‍යන්තර ප්‍රජාවේ පොදු අභිලාෂය බවත් Lian Jian මහතා එහිදී සඳහන් කර තිබෙනවා.
දිනූෂි ධීරසිංහ
