ලංකාව සහ ක්වීන්ස්ලන්තය අතර දිගුකාලීන ආයෝජන හා ව්‍යාපාරික සහයෝගීතාවක්!

රෂිකා හෙන්නායක අගෝස්තු 16, කොළඹ LNW :

​ශ්‍රී ලංකාවේ නව කාර්මික සහ ආයෝජන අවස්ථා පිළිබඳව ක්වීන්ස්ලන්ත ව්‍යාපාරික ප්‍රජාව දැනුවත් කිරීමේ ‘Sri Lanka Industries & Investment Forum 2026’ බ්‍රිස්බේන්හිදී අද සාර්ථකව පැවැත්විණි.

​ශ්‍රී ලංකාව සහ ඔස්ට්‍රේලියාවේ ක්වීන්ස්ලන්ත ප්‍රාන්තය අතර කාර්මික, වෙළෙඳ, අපනයන සහ සෘජු ආයෝජන සබඳතා නව මානයකට ඔසවා තැබීමේ අරමුණින් සංවිධානය කළ ‘Sri Lanka Industries & Investment Forum 2026 – Brisbane’ ආයෝජක සහ ව්‍යවසායක සමුළුව අද (16) දින බ්‍රිස්බේන් නුවර Park Regis හෝටල් පරිශ්‍රයේදී සාර්ථකව පැවැත්විණි.

​‘Discover a New Sri Lanka’ තේමාව යටතේ පැවති මෙම සමුළුවේ ප්‍රධාන දේශනය පවත්වමින් කර්මාන්ත සහ ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති මහතා, ශ්‍රී ලංකාවේ ක්‍රියාත්මක කෙරෙන නව ආර්ථික හා කාර්මික පරිවර්තනය, ආයෝජන දිරිගැන්වීම් සහ තිරසර වර්ධනය උදෙසා රජය ගෙන යන වැඩපිළිවෙළ පිළිබඳව කරුණු පැහැදිලි කළේය. ව්‍යාපාරික කටයුතු පහසු කිරීම, විනිවිදභාවය තහවුරු කිරීම සහ ගෝලීය හවුල්කාරිත්වයන් ශක්තිමත් කිරීම වෙනුවෙන් රජය දක්වන කැපවීම මෙහිදී අමාත්‍යවරයා විසින් අවධාරණය කරන ලදී.

​මෙහිදී අදහස් දැක්වූ ශ්‍රී ලංකා අපනයන සංවර්ධන මණ්ඩලයේ (EDB) සභාපති සහ ප්‍රධාන විධායක නිලධාරී මංගල විජේසිංහ මහතා, දෙරට අතර අපනයන අවස්ථා පුළුල් කරගැනීම, නව වෙළෙඳපොළ සබඳතා ගොඩනැගීම සහ ක්වීන්ස්ලන්ත ව්‍යාපාරික ප්‍රජාවට මෙරට නිෂ්පාදන ක්ෂේත්‍රය සමග එක්විය හැකි ආකාරය පිළිබඳව දීර්ඝ වශයෙන් කරුණු ඉදිරිපත් කළේය.

​ඔස්ට්‍රේලියාවේ ආයෝජකයින්, අපනයනකරුවන්, ව්‍යවසායකයින් සහ ක්ෂේත්‍රයේ ප්‍රමුඛ පෙළේ ව්‍යාපාරික නායකයින් විශාල පිරිසකගේ සහභාගීත්වයෙන් පැවති මෙම සමුළුවේදී, ශ්‍රී ලංකාව සහ ක්වීන්ස්ලන්තය අතර දිගුකාලීන ආයෝජන හා ව්‍යාපාරික සහයෝගීතාවන් ඇති කරගැනීම පිළිබඳව ඵලදායී ද්විපාර්ශ්වික සාකච්ඡා රැසක් සිදු කෙරිණි.

Share post:

spot_imgspot_img

Popular

More like this
Related

නව යුගයක විවෘත ලෝකයක් සොයා යන GTA VI

නව යුගයක විවෘත ලෝකයක් සොයා යන GTA VI

ඇමෙරිකානු සාම බලකායේ ස්වේච්ඡා සේවකයෝ 34ක් දිවයිනට!

රෂිකා හෙන්නායක නොවැම්බර් 18, කොළඹ LNW: ඉංග්‍රීසි භාෂා අධ්‍යාපනය ශක්තිමත්...

ඇමරිකාවේ තාක්ෂණික බිඳවැටීම: Leave the World Behind යථාර්ථයක් වෙනගමන් ද?

ඇමරිකාවේ තාක්ෂණික බිඳවැටීම: Leave the World Behind යතාර්ථයක් වෙනගමන් ද?