සටහන: සශිකලා මධුෂාණී
ලෝකය(අවුට්බවුන්ඩ් ටුඩේ) ඔක්තෝම්බර් මස 11: නේපාලය නැවතත් හදිසි ගංවතුර තත්ත්වයකට මුහුණ පා තිබේ.
බුධි ගණ්ඩකි ගඟ ආශ්‍රිත ප්‍රදේශවල ගොඩනැගිලි, නිවාස සහ පාලමක් ජල පහරට හසුව ගසාගෙන ගොස් ඇති අතර ජලය වේගයෙන් ගලා ඒමත් සමඟ ඒ ආශ්‍රිත ඉදිකිරීම් රැසකට හානි සිදුව තිබේ.
හදිසි ගංවතුර තත්වය හේතුවෙන් 5 දෙනෙකු අතුරුදන්ව ඇති අතර අවදානම් ප්‍රදේශවල සිටි පුද්ගලයන් 49 දෙනෙකු පමණ බේරාගෙන තිබේ. මෙම හදිසි ගංවතුර තත්ත්වය හේතුවෙන් සිදුවූ හානි සහ බලපෑමට ලක්වූ පුද්ගලයන් පිළිබඳ වැඩිදුර තොරතුරු මෙතෙක් තහවුරු වී නොමැත.
